Kerala State Transport Minister V.S Shivakumar said that the pay revision of the Kerala State Road Transport Corporation Employees would be announced soon.
Veekshanam has reported an article about this.
കെ.എസ്.ആര്.ടി.സിയില് കാലവിളംബം കൂടാതെ ശമ്പള പരിഷ്കരണം നടപ്പാക്കുമെന്ന് ഗതാഗതവകുപ്പ് മന്ത്രി വി.എസ് ശിവകുമാര്. കെ.എസ്.റ്റി ഡ്രൈവേഴ്സ് യൂണിയന് സംസ്ഥാന കമ്മിറ്റിയുടെ ആഭിമുഖ്യത്തില് ഗതാഗതവകുപ്പ് മന്ത്രിയായി ചുമതലയേറ്റ യൂണിയന്റെ സംസ്ഥാന പ്രസിഡന്റ് കൂടിയായ വി.എസ് ശിവകുമാറിന് തിരുവനന്തപുരത്ത് നല്കിയ സ്വീകരണ സമ്മേളനത്തില് സംസാരിക്കുകയായിരുന്നു അദ്ദേഹം.
ജീവനക്കാരുടെ അവകാശങ്ങള് കവര്ന്നെടുക്കാതെയും അര്ഹതപ്പെട്ട ആനുകൂല്യങ്ങള് നല്കിയും തൊഴിലാളികളുടെ പങ്കാളിത്തം ഭരണരംഗത്ത് ഉറപ്പുവരുത്തിയും ട്രാന്സ്പോര്ട്ട് കോര്പറേഷനെ ലാഭകരവും ജനക്ഷേമകരവുമാക്കി മുന്നോട്ടുകൊണ്ടുപോവുക എന്നതാണ് യു.ഡി.എഫ് സര്ക്കാര് ലക്ഷ്യമിട്ടിരിക്കുന്നതെന്നും അദ്ദേഹം പറഞ്ഞു. സംതൃപ്തരായ ജീവനക്കാരാണ് ഏതൊരു സ്ഥാപനത്തിലെയും വിജയമുദ്രയെന്നും മന്ത്രി ചൂണ്ടിക്കാട്ടി.
കെ.എസ്.ആര്.ടി.സി യിലെ എംപാനല് ജീനക്കാരുടെ വേതനം വര്ദ്ധിപ്പിക്കാന് നടപടി സ്വീകരിക്കുമെന്നും അദ്ദേഹം ഉറപ്പ് നല്കി. സംസ്ഥാന ജനറല് സെക്രട്ടറി ആര് അയ്യപ്പന് അദ്ധ്യക്ഷത വഹിച്ചു. സംസ്ഥാന വര്ക്കിംഗ് പ്രസിഡന്റ് സണ്ണി തോമസ് മുഖ്യപ്രഭാഷണം നടത്തി. സംസ്ഥാന പ്രസിഡന്റ് എസ് ഇമാമുദ്ദീന്, ട്രഷറര് എസ് കുമാരപിള്ള, അഡ്വ. എ നിസാമുദ്ദീന്, സംസ്ഥാന ഭാരവാഹികളായ പി.എം കുഞ്ഞുമോന്, കെ.ജി ബാബു, എസ്.പി പരമേശ്വരന്, വി.എല് ബാബു, രാജീവ് ജോസ്, കെ.കെ അബ്ദുള്ളകുട്ടി, ഡി ദിലീപ്കുമാര്, പി.സി ജോസഫ്, സി ജയചന്ദ്രന്, കെ ഗോപകുമാര്, സി രാജീവ്, എന് ഷാജികുമാര്, ആര് സുരേന്ദ്രന്, ഇ ശശി, പി.സി കുരുവിള, സി.കെ ഹരിദാസ്, ജോര്ജ് ജോസഫ് എന്നിവര് സംസാരിച്ചു.
